Schnitzelbänkler liessen die Späne fliegen

Total lokal war Trumpf: Fünf Schnitzelbankgruppen  traten am SchmuDo in den Reider Lokalen auf. Zudem sorgten die Blächschäde für den richtigen Ton zwischen den Zeilen.

Hier ein paar Verse zum "Gluschtig" machen. In der Dienstagsausgabe des Böttus gibts mehr davon.

Giftspritzen:
Reide wierd abgrisse und neu ufbaut,
für das hed mer d Sustra gholt.
E roti Lampe vor jedem Hus,
Reide wird zum Freudehus.

WC-Ente uf de Badmatte:
Und jetz no öppis i eigener Sach.
Mer sind fertig met «Ggäh ufs Dach».
Es ged uf de Wält gar veli Gschwör,
aber schänkid doch ne jedem Ghör.
«Spüelids eifach s WC ab!»

d Latzhoose:
Im Wallis und im Bendnerland,
s esch landuf, landab bekannt.
Kriegt d Olympia-Kandidatur e neui Chance.
Jetz macht Reide äu no met.
Dr Medaillesatz esch komplett.
Dr Kirchturm gets näbst Silber äu und Gold und Bronse.
Scho e Doopingkontrolle esch im Bluemehus iigrichtet.
d Regierig zeigts voruus und het bereits die erschti Prob verrichtet.

d Wiiberhöögge:
Mer hend kei Gäld, kei Gmeinrót meh, was söle mer au mache?
Wo finde mer e sone Depp, wo de Chaschperli wott mache?
Giger, Zihlme, Neeser, Bossert … mäldet sich öpper ander?
Gopfrid Stutz, verreckte Cheib, am Schluss chunnt no de Schwander!

Plaudertäsche:
s Zunftmeischter-Paar vo Demmerselle – die stammed beid vo Reide.
Um Reider Umzug chömeds drum – sich sälber do ga zeige.
Die flotti Dagmar redt sehr gärn – und cha super choche.
De peter isch e Häppere – sehr mählig und sehr troche.

Blächschäde:
Ohne Worte, nur mit tollen Tönen,
die Blächschäden so das Volk verwöhnen.
Und sie machen noch viel Schabernack
leeren manchen einen ganzen Sack voll Konfetti auf die nackte Birne,
schmücken Haare, Glatze und auch Stirne.
Überall gehn sie von Beiz zu Beiz sind der Fasnacht Reidens grösster Reiz.

Image CAPTCHA
Bitte geben Sie die Zeichen aus der Abbildung ein.

Eingeschränktes HTML

  • Zulässige HTML-Tags: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h4 id> <h5 id> <h6 id>
  • HTML - Zeilenumbrüche und Absätze werden automatisch erzeugt.
  • Web page addresses and email addresses turn into links automatically.